Mánudagur 13. nóvember 2006

Tilviljanir?!
Ég fór á minningaflipp núna áðan í tilefni af því að Fayaz skrifstofu-félagi er við það að útskrifast og flytja heim aftur til Malasíu. Hver veit hvort við eigum nokkurn tíman eftir að sjá hann aftur?!!? Hvað um það, minningaflippið fólst í því að skoða vefsíðuna okkar frá því 2000 og 2001 og þar á meðal fór ég inn á þessa síðu.

Nema hvað… Neðst á síðunni er mynd af Mark nokkrum Smith sem var “teaching assistant” fyrir EE276 kúrsinn. Hann útskrifaðist fyrir nokkrum árum og ég hef ekki séð hann síðan… þangað til núna áðan er hann gekk inn á skrifstofuna mína?!?!?!?! Við spjölluðum aðeins um lífið og tilveruna, hann vinnur núna í Boston og á þrjú börn og er víst kátur með sitt.

Fríkí!!!

Sunnudagur 12. nóvember 2006

Nýjar myndir!
Ekki það að fólki sé ekki sama, enda er þetta nú bara mest fyrir mig eins og alltaf. Flokka-raða, flokka-raða… það er mitt mottó! 🙂

Hvað er að frétta svo sem. Jú, bandaríska stjórnkerfið verður vonandi minna klikkað á næsta ári, mikil gleði með það. Það hlakkaði í okkur út alla síðustu viku, og núna getum við vonandi farið að vinna aftur. Þurfum reyndar að venju helgi eftir helgina, það var enn eitt 3ja ára afmælið í gær og svo matarboð hjá vinnufélaga Finns í dag þannig að það var nóg að gera.

Skondnar sögur vikunnar: 1) Anna Sólrún vaknar í sínu eigin rúmi og sniglast upp í okkar rúm með koddann sinn, snýr svo við og nær í kodda númer tvo og svo aftur við og nær í sængina sína. Svo sofnaði hún í “millunni”. 2) Stóri fjólublái kærleiksbjörninn er núna í algjöru uppáhaldi. Honum er dröslað út um alla íbúð, honum sýnt allt, hann svæfður, honum er gefið að borða og aldrei má hann vanta. Stundum bætist litli bleiki kærleiksbjörninn við, og þá er hann litla barn fjólubláa bjarnarins!

Og já, það er spáð rigningu á morgun. Ég held að það sé rigning númer tvö eða þrjú í haust. Og það er spáð 17-18 stiga hita. Greinilega að koma vetur!