Þriðjudagur 9. ágúst 2005

Gamalt myndskeið
Hann Sigurður, fyrrverandi eiginmaður Gunnhildar frænku, sendi mér í dag vídeó í tölvupósti af mér og Arnari Google-manni að leika okkur saman þegar við vorum yngri. Ég giska á að ég hafi verið um 5 ára (ennþá á leikskóla) og Arnar um 8 ára (?). Á myndbandinu erum við Arnar fyrst að spila, svo hoppa ég á sófanum, Arnar drekkur úr bolla, og því næst tekur Sigurður okkur á eintal. Myndskeiðið er 40 MB af stærð, og því miður eru myndgæðin ekki til að hrópa húrra fyrir en þau duga! Ef þið hafið áhuga á að sjá vídeóið, endilega sendið mér tölvupóst (eða komment) og ég skal senda ykkur linkinn.

Hér eru svo tvær myndir (lagaðar í Picasa 2) af mér þar sem Sigurður er að spyrja mig hvað ég hafi gert í leikskólanum í gær. 🙂