Laugardagur 7. apríl 2007

Anna lasin
Við Hrefna skruppum með Önnu til læknis í dag þar sem hún er búin að vera með ljótan hósta undanfarnar þrjár nætur og við það bættist 40 stiga hita í nótt. Hún greindist með hálsbólgu (líklega streptókokka) og því ljóst að við förum ekki í páskamáltíðina á morgun til Siggu og Mario eins og ætlunin var. Við spjölluðum við þau áðan og komumst að því að það er pest að ganga á þeirra heimili líka þannig að það er eitthvað að ganga. Kannski við gerum okkur glaðan dag hér heima bara á morgun.

Annars er það annað að frétta að ég fattaði hvað við erum komin langt eftir á í myndamálum og gerði ég því smá skurk þar – bætti inn þremur nýjum myndasíðum. Vonandi er þetta aðeins fyrsti pakkinn af nokkrum á næstunni. Njótið vel.