Myndir

Tók mér frí frá vinnu í dag og setti upp myndir frá því í september. Gaman að slá botninn loksins í spítaladvölina, næsta myndasíða verður “Bjarki fer heim”… 🙂

Verð annars að minnast á að ég held að einar buxurnar hans Bjarka séu undir álögum. Hann hefur aldrei verið í þeim í meira en tvær klukkustundir, því að þeim tíma loknum hefur hann annað hvort verið búinn að pissa, kúka eða æla all svakalega yfir þær eins og í dag (og það var bara eftir 20 mínútur!). Þetta telst heldur óvanalegt því hann hefur stundum verið í sömu fötunum í tvo daga (hvað get ég sagt… barn númer tvö!) án bletta. Skrrrrííítið! En það verður ekki reynt meira á álögin því ég tók þær úr umferð í dag (eftir þvott) því þær eru orðnar heldur litlar.