Samtöl við fjögurra ára barn

Samtöl við fjögurra ára börn eru svo skondin….

Anna heldur höndinni upp við efri rönd mjólkurfernunnar…
Anna: “Pabbi, einu sinni var mjólkin alveg hérna upp”
Anna: “Svo bara minnaði hún og minnaði” (og færir höndina niður eftir fernunni)

Svo vorum við í þvottahúsinu um daginn…

Anna: “Pabbi, er þetta þurrkari?” (bendir á þvottavél)
Finnur: “Nei, þurrkarinn er þarna” (bendir á þurrkara)
Anna: (bendir ennþá á þvottavélina) “Er þetta þá… blautari?” 🙂

Og í kvöld þá lýsti hún stolti sínu:

“Pabbi, ég borðaði brokkolí! Fyrir þig!! Má ég knúsa þig?!”

Svo fékk ég stórt knús og rembingskoss á kinnina. 🙂 Ekki það að það sé erfitt að fá hana til að borða brokkolí – hún var bara að leita sér að ástæðu til að knúsa. 🙂

Hún er nefnilega á “knúsiskeiðinu”; knúsar alla fjölskyldumeðlimi reglulega og kyssir í bak og fyrir. Bjarki fær koss á kollinn í hvert skipti sem hún athugar ástandið á honum, sem hún hefur tekið að sér og sinnir því hlutverki á tveggja mínútna fresti hvort sem hann er vakandi eða sofandi. 🙂