Anna í jólafötum

Við tókum myndir af krökkunum í jólafötunum á þakkargjörðardaginn (sem var í gær, fimmtudag) og þar sem að ég var búin að birta mynd af jólafötunum hans Bjarka, þá kemur hér mynd af Önnu sitjandi í sínu jóladressi. Annars leið þakkargjörðardagurinn hratt og vel í heimsókn hjá fjölskyldu Lulu. Við átum á okkur gat eins og tilheyrir og það þurfti að rúlla okkur út um kvöldið. Ekkert markvert að gerast hjá okkur annars, fyrir utan að nú er fjögurra daga helgi. Mest spennandi er að nú bíðum við bara eftir að Sarah fæði barn á næstu dögum!

Reyndar eitt í lokin: Til hamingju með afmælið pabbi!! 🙂