Sunnudagur 26. maí 2002

Heimsókn

Eftir að hafa slugsað fram eftir degi fórum við í heimsókn til Soffíu og Ágústar í þeim erindagjörðum að fá lánaða hjá þeim saumavél. Við mættum á heldur ókristilegum tíma, eða klukkan 19:00, en sem betur fer voru þau ekki byrjuð að borða. Það fór þó svo á endanum að okkur var boðið í lax og fínerí áður en við tókum okkur til og hjálpuðum þeim að breyta bílskúrnum í leikherbergi fyrir krakkana þeirra (Egil, Kjartan, Stefán, Gunnar, Ölmu og Ágúst Bjarka). Reyndar var í aðalatriðum bara skutlað teppi á gólfið og ekki haft mikið fyrir teppalíminu, en það verður örugglega í lagi! 🙂