Föstudagur 14. mars 2003

Annasamur dagur

Í dag voru tveir endajaxlar teknir úr Finni, og þar sem annar þeirra var víst næstum samangróinn beininu þá þurfti að svæfa greyið. Við fórum sem sagt klukkan 10 í morgun á tannlæknastofuna og klukkan 11:30 var allt búið og ég keyrði Finn (sem var verulega aumur) heim, þar sem ég bjó um hann í sófanum og stakk DVD diski í tækið. Síðan brunaði ég upp í skóla og við Erin náðum að skila lokaverkefninu í scattering 20 mínútum eftir að skilafresturinn rann út klukkan fimm, og það var bara vegna þess að það gekk svo seinlega að prenta þessar 40 bls…

En núna er þetta sem sagt búið og ég er komin heim til Finnsa míns, sem á nú frekar bágt þessa stundina þar sem hann situr fyrir framan imbann með kælipoka við kinn…