Laugardagur 13. september 2003

Vibbalegur hiti

Ég var að kíkja á weather.com og það mun vera 36 (!!!!) stiga hiti úti!!!! Jökkíbarasta!! 🙁 Þar af leiðandi er eitthvað svipað hérna inni hjá okkur því við erum ekki með loftkælingu… Það eina góða við þetta er að samkvæmt spánni þá eigum við bara einn svona dag eftir – og svo aftur í 25 stigin, takk kærlega! 🙂

Var annars að skella nýjum myndum á vefinn – og sá þá að á þessu eina ári erum við búin að setja rúmlega 1300 myndir á netið. Það eru sjö 200-mynda-albúm!! Og þetta er bara “creme-de-la-creme” af öllum þeim myndum sem við erum búin að taka – því samkvæmt myndavélinni sem við fengum í byrjun ársins þá erum við búin að taka 3650 myndir frá því að við eignuðumst hana… ahemm… Kannski að maður ætti að fara í meðferð… 😉