Jólastöff

Finnur er búin að vera þvílík hetja í dag! Hann fór í búðina, þvoði þvott (3 vélar!), gerði tvær myndavefsíður, setti í þurrkara og gekk frá þvottinum! Fyrir þvílíka ofurhetju dugar auðvitað ekkert annað en mikið magn af sykri í verðlaun, svo ég bakaði eina sort af jólasmákökum á meðan… 🙂 Ég held samt að ég hafi endað á því að borða fleiri kökur en hann!

Á morgun verður ekki jólaneitt samt, því ég þarf að læra fyrir mitt eina lokapróf þessa önnina (og vonandi allra allra allra síðasta lokaprófið sem ég tek á ævinni… múhahaha!!) en Finnur ætlar að stinga af til Texas í vinnuferð. Hann kemur aftur á miðvikudaginn næsta, vonandi heill á geði eftir að hafa verið í einhverju Microsoft labbi í tvo daga og í Texas í þokkabót! Gaaa!!