Gúgul, kosningar og dýragarður

Við byrjuðum þriðjudaginn á því að skreppa yfir á Gúgul kampusinn og borða morgunmat þar ásamt bekknum hennar Önnu. Krakkarnir í bekknum höfðu búið til legó-módel og þetta var upphafið á vikulangri sýningu á þeim í mötuneytinu hans Finns. Eftir morgunmatinn röltum við aðeins um kampusinn, en svo lá leiðin upp í borg. Þar höfðu Þráinn og Elsa mælt sér móts við ræðismann Íslands á svæðinu, í þeim tilgangi að kjósa í alþingiskosningum. Við slógumst að sjálfsögðu í för með þeim og höfðum tvö umslög upp úr krafsinu sem við þurfum að muna eftir að póstleggja. Að kosningu og síðbúnum hádegismat loknum, þá keyrðum við yfir í dýragarðinn og gengum þar um í um tvo tíma. Um kvöldið borðuðum við góðan mat og sungum afmælissönginn fyrir Elsu yfir ís, súkkulaðisósu og berjum. Þar með lauk ævintýrum þriðjudagsins.

Hópmynd á Gúgul kampusnum.

Finnur og Anna við legó-módel Önnu.

Legó-módel Önnu.

það líka. Anna sagði (þýtt yfir á íslensku):

“Þetta er bíll sem getur flogið og hann fer og fer og flýgur mjög hratt.

Hann er með bílastæði til að leggja á og op annars staðar sem hann fer út um.

Ég bjó til skúr. Sjáðu þennan skúr. Það veit enginn hvað ég bjó til marga bíla.

Og hann getur meira að segja keyrt út af bílastæðinu og þá byrjar hann að fljúga.”

Komin á skrifstofu ræðismanns Íslands í San Fran.

Kjörklefinn var bak við rúðuglerið. 🙂