Af einhyrningum og öðrum furðudýrum…

Anna: “Pabbi, þú ert pabba-unicorn. Mamma er mömmu-unicorn. Bjarki er litla-barna unicorn og ég er stóru-systur unicorn“

Ég: “Jahá, hvernig gera einhyrningar?”

Anna: (horfir á mig með furðusvip)

Ég: “Hvernig gera einhy… uh… hvernig gera unicorn? Einhyrningar, þú veist…?”

Anna: “Ta-da!” [reigir höfuðið til himins og endurtekur nokkrum sinnum til áherslu]

Anna (stuttu síðar): “Voff! Voff!” [geltir í áttina að Bjarka til að reyna að bregða honum]

Ég (mæðulega): “Bíddu, ég hélt þú værir einhyrningur? Hvernig segja einhyrningar?”

Anna: [hneggjar] “Nehehehehei! Nehehehehei! Nehehehehei!” 🙂

Af öðrum fréttum er það helst að við kíktum til Arnars og Sólveigar í dag eftir Önnu-lúr og áttum með þeim góða kvöldstund. Átum góðan kvöldmat, sötruðum bjór og vín og borðuðum ávexti sem við dífðum í súkkulaði-fondue. Við náðum meira að segja að grípa í spil á meðan krakkarnir horfðu á vídeó fram eftir kvöldi! 🙂