Þéttskipuð dagskrá á sunnudegi

[Grandma Anna took Anna Sólrún out to play again this morning so Hrefna and I got to sleep in again, second day in a row. What a luxury! 🙂 Just after 11am we got out the door; Hrefna to the hospital to see Bjarki while I took Anna to Nate’s birthday party – Nate is Anna’s old classmate. But first we went to the toy store to pick up a birthday present for Nate, Playmobile knights and a Playmobile diver (he is a big diving enthusiast). Anna Sólrún was so cute in the toy store: she walked straight to a container with soccer balls in it, picked out one large pink one, put it under her arm (her arm almost not large enough to hold it) and said to me: “dad, I’m going to buy this ball”. Her dad of course saw grand visions of a female Beckham soccer star, patted her daughter on the head and stormed to her to the checkout, with the cell phone on one ear trying to recruit a manager for the newly discovered star and book some soccer practice.

When we got home, grandma Anna tried to put Anna Sólrún to sleep, who was a little too excited after all the sugar at the party and after a while Anna Sólrún got the better of her and Hrefna took over and finally managed to get her to sleep. In the meantime I washed three loads of laundry, went to see and apartment for rent (didn’t like it) and on the way back I stopped to fetch the urn with Reynir Hugi’s remains. After some brainstorming about where to place the urn we decided to postpone the decision and start making dinner while the Anna’s went out to play again. Rosemary Chicken for dinner tonight.]

Anna Sólrún fór aftur út að leika með ömmu sinni í morgun og við Hrefna fengum því að sofa út aftur, annan daginn í röð. Þvílíkur munur! 🙂 Upp úr 11 leytinu var svo haldið út; Hrefna fór á spítalann að hitta Bjarka á meðan ég fór með Önnu í barnaafmæli til Nate sem er í gamla bekknum hennar Önnu. En fyrst héldum við í dótabúð að kaupa afmælisgjöf fyrir Nate, Playmo miðaldariddarar og kafara-Playmo (hann er mikill köfunaráhugamaður). Anna Sólrún var svo sæt í dótabúðinni: hún arkaði að boltagrind, fann sér skærbleikan stóran fótbolta sem hún stakk undir höndina (komst varla fyrir) og sagði við pabba sinn: “pabbi, ég ætla að kaupa mér þennan bolta”. Pabbinn fékk náttúrulega stjörnur í augun, sá fyrir sér næsta kvenkyns Beckham fótboltastjörnu, klappaði dótturinni á kollinn og arkaði með hana að kassanum til að borga með farsímann við eyrað að leita að umboðsmanni fyrir stjörnuna og panta æfingar.

Barnaafmælið var haldið í leikfimisal rétt hjá Google og voru þar mættir nær allir (ef ekki allir) krakkarnir úr gamla bekknum hennar Önnu og gott betur og var hlaupið og klifrað og hoppað og sveiflað. Pabbinn fékk stjörnur í augun aftur, sá fyrir sér næstu Nadiu fimleikastjörnu, greip símann, rak umbann og réði nýjan umba sem sérhæfir sig í fimleikastjörnum.

Eftir þetta var haldið á spítalann að sækja Hrefnu og stoppað og kíkt á Bjarka Frey. Hann virðist bara hafa það ágætt; þeir eru að auka við matargjafirnar og hann virðist þola það vel. Hann er kominn upp í 10 ml á 3 klst fresti og þar með 50% af þeirri næringu sem hann þarf (restin í æð). Hrefna fékk að halda á honum í dágóða stund og þegar við vorum að fara hélt hann báðum augum opnum í hálfa mínútu sem ég hef ekki séð hann gera áður (svo lengi). Læknirinn var jákvæður með framgang vikunnar, hann er enn á nefönduninni og virðist braggast vel. Heldur þeim svolítið uppteknum reyndar því að öndunin dettur stundum niður þannig að þarf að grípa inn í (auka súrefnismagn) en það er bara eins og með fyrirbura víst og á að eldast af þeim.

Þegar heim var komið reyndi amma að svæfa Önnu Sólrúnu, sem var aðeins of æst eftir sykurátið í afmælinu og eftir góða tilraun hafði Anna Sólrún betur og Hrefna fór upp og tókst seint og síðar meir að svæfa hana. Á meðan setti ég í þrjár þvottavélar og fór og kíkti á íbúð til leigu í nágrenninu (en leist ekki á). Á leiðinni til baka kíkti ég á útfararskrifstofuna að ná í duftkerið með Reyni Huga og fór með heim. Eftir smá heilabrot um hvar við ættum að geyma duftkerið ákváðum við að slá þeirri ákvörðun á frest og fara að búa til matinn á meðan Önnurnar fóru út að leika aftur. Rosemary kjúklingur bakaður í ofni í matinn hér.