Þriðjudagur 23. janúar 2007

Fastar skorður
Lífið er formlega fallið í fastar skorður eftir jólaferðina heim. Um helgina kom reyndar Guðrún ex-Kaliforníu-búi í heimsókn (eða öllu heldur, við sóttum hana til Soffíu í Dublin) og við stoppuðum í Great Mall á leiðinni til baka þar sem ég keypti sömu Carter’s bolina og venjulega á Önnu Sólrúnu, en bara aðeins stærri.

Svo er það bara fastagangurinn: sofa, vakna, leikskóli/vinna, borða og svæfa. Á kvöldin (þegar Anna Sólrún liggur vakandi upp í okkar rúmi og les Richard Scarry bækur og þorir ekki fram úr því hún er hrædd við hin ýmsu skrímsli) þá hefur Finnur verið að setja upp Vista stýrikerfi á ný-keyptri tölvu á meðan ég hef verið að leika mér í tölvu-dansleik. Dance Dance Revolution – oh yeah! 🙂