Mánudagur 8. desember 2003

Búin!

Jei!! Búin í prófinu!! 🙂 Gekk vel framan af, en síðan fór að halla undan fæti og endirinn var frekar katastrófískur… en ég næ nú samt alveg (það er næstum því fræðilega ómögulegt að falla í kúrsum hérna, maður fær í versta falli C). Líkaminn virðist líka hafa lifað þetta nokkuð vel af, sérstaklega hjálpaði að prófessorinn kom með appelsínusafa í prófið sem kom sér heldur betur vel. Núna er bara að öppdeita plaggatið fyrir AGU ráðstefnuna á morgun og svo prenta það út. Ég hélt nú að ég hefði klárað blessað plaggatið síðasta föstudag en svo komust smámunasamir yfirmenn og aðrir meðhöfendur í það og komu með komment.