Laugardagur 1. nóvember 2003

Lappar eru snilld!

Það er algjör snilld þegar maður vaknar allt of snemma á helgarmorgni (og veit að maður á ekki eftir að sofna aftur á næstunni), að geta teygt sig í fartölvuna hans Finns, og eytt morgunstund í rúminu kíkjandi á vefinn. Ég er núna búin að kíkja á póstinn minn, lesa fréttavefina, ferðast um bloggheima, og njósna um litla frænda minn í tölvunarfræðinni (ég missti fljótlega tölu á tuborg-dósunum… 😉

Gærdagurinn var annars áhugaverður… Ég mætti í skólann sem “my worst nightmare”, það er “Cry-Baby” eða vælukjói í formi ungabarns… hehe… 😉 Það var ekki mikið af búningafólki, en samt nokkrir. Myndir ættu að koma fljótlega… Í dag er planið að kíkja í afmælis/kveðjuveislu hjá Rikka, sem er að flytja til Evrópu í mánuðinum.