Föstudagur 28. nóvember 2003

Pappírinn taminn

Eftir ágætis .php forritun í morgunsárið (sjálfboðavinna fyrir einn proffann – að sjálfsögðu unnin uppi í rúmi á lappanum), þá gengum við loksins í það að temja pappírsflóðið í íbúðinni. Flóð þetta er tilkomið af þeirri einföldu ástæðu að við nennum ekki að setja dót í möppur nema ca. 3-4 sinnum á ári, og á meðan safnast pappírinn bara í hauga á nokkrum vel völdum stöðum. En í dag voru haugarnir drepnir og núna er allt komið á sinn stað. Finnur meiri að segja tætti niður allar kreditkortaumsóknirnar og “Má ekki bjóða þér $2.5 dollara fyrir að versla við okkur?” tilboðin og í verðlaun bakaði ég fyrir hann kanelsnúða. 🙂

Ég er ekki frá því að mér líði aðeins betur á húsmóðurs-sálinni núna. 🙂