Mánudagur 1. september 2003

Heimakettir

Við eyddum deginum heima í dag, við alls konar dútlerí og má þar helst nefna að við ryksuguðum (sem telst til tíðinda), þvoðum þvott, fórum yfir póstinn sem hafði safnast upp og ég gerði tilraun til að hreinsa svalirnar. Svalahreinsunin gekk nú ekkert svakalega vel, þær eru orðnar ótrúlega drullugar (lesist “svartar”), enda líklega hálft ár síðan þær voru þvegnar síðast, þannig að landleidí-in lofaði mér að þær yrðu þvegnar almennilega á morgun. Annars leið dagurinn ótrúlega hægt, sem var líklega aðallega vegna þess að við vorum komin á fætur rúmlega átta í morgun sem gerist yfirleitt ekki um helgar – og því var dagurinn bara ótrúlega langur! 🙂