Sunnudagur 4. ágúst 2002

Sitt af hverju

Finnur skrapp út í búð og keypti meira minni í tölvuna okkar og mat, á meðan ég snurfusaði til í íbúðinni. Síðan ryksugaði hann þessi elska! 🙂 (Hann vill frekar ryksuga en skúra, ég vil frekar skúra en ryksuga = hjónaband). Eftir að tölvan vildi ekkert með minnið fína hafa, spiluðum við smá Warcraft og síðar um kvöldið fórum við með Loga á Signs með Mel Gibson. Myndin var svo sem ágæt, það sem ég sá af henni því ég var með lokuð augun svona 25% tímans. Ég er nefnilega með einhverja óskiljanlega fóbíu gagnvart tveimur tegundum af myndum: 1) Læðast í myrkri myndum og 2) Geimverumyndum, og Signs fellur undir báða flokkana. Þannig hlustaði ég líka á E.T. og Independance Day á sínum tíma…