Miðvikudagur 21. ágúst 2002

Ernir og Marylinn fara heim

Greenborder kvaddi Erni og Marylinn í kvöld, en þau fara heim til Íslands á morgun, enda sumarið á enda og skólinn að fara að byrja. Kvöldið var nokkuð skemmtilegt, grænmetisfæði étið (sú sem hélt þetta er argasta grænmetisáta) og mafíuleikurinn spilaður. Síðan keyrðum við E&M; heim og sögðum bless – en vonandi koma þau aftur næsta sumar! 🙂

Ég annars skreið í gegnum líffræði ritgerðina sem ég var að lesa með dyggri hjálp Lauru kærustu Augusto sem er að byrja annað ár í læknisfræði. Alveg merkilegt hvað maður er týndur þegar maður er að lesa hluti á ensku sem maður hefur hingað til bara hugsað um á íslensku. Æji hvað ég sakna orðsins “umfrymi”, mér fannst það alltaf vera algjör snilld! 🙂