Þriðjudagur 7. maí 2002

Sundskýrslan

Dagurinn var rólegur. Byrjaði á sundtíma þar sem ég reyndi að nota ráðleggingar frá Kerri (sem æfði sund) til að sökkva ekki eins og steinn eins og síðast. Meðal þess sem hún sagði var að maður ætti að halda mjöðmunum uppi við og stinga höndunum á ákveðinn máta í vatnið. Ég er ekki frá því að þetta hafi bara hjálpað! Nú er bara að reyna að læra að anda án þess að snúa upp á allt bakið… 🙂 Ég synti að ég held rúmlega km í dag sem er bara alveg ágætt! 🙂

Súperveður

Það er búin að vera bongóblíða undanfarna daga og ég er komin með íslensku magapínuna yfir því að vera alltaf inni í þessari sól. Á maður ekki að taka sér frí í vinnunni og fara á ylstönd þegar svona er í pottinn búið?!