Miðvikudagur 30. janúar 2002

Spiffý fyrirsögn

Fín fyrirsögn, ekki satt?!?! 🙂

Dagurinn var 60% radarheimadæmi, 10% jóga, 20% matartímar og 10% ferð í Fry’s. Ferðin í Fry’s bar af í skemmtilegheitum því þar keypti ég svona “headset” með hljóðnema og aðra vefmyndavél til að hafa á skrifstofunni! 🙂 Núna er ég þokkalega í góðum tæknilegum málum og get farið að rabba við hina ýmsu fjölskyldumeðlimi og vini á besta tíma! 🙂 Hlakka ekkert smá til! 🙂

Annars er að koma að nýju “deadline”i hjá Finni í vinnunni þannig að hann var lengi í vinnunni og á eftir að vera það í einhverja daga í viðbót. Sniff sniff… enginn eiginmaður heima í kotinu!!

Þriðjudagur 29. janúar 2002

Stappa

Þriðjudagar og fimmtudagar eru ein tímastappa hjá mér þetta “quarter”ið. Ég er svo gott sem í tímum frá 8:30 til 15:30 sem er heldur mikið. En á móti kemur að ég er ekki í neinum tímum á mánudögum, miðvikudögum og föstudögum – sem er algjör sæla!! 🙂 Á morgun þarf ég reglulega að taka mig taki og ullast til að gera síðari heimadæmi vikunnar… ég rétt náði að byrja á þeim í dag áður en ég fór heim og festist yfir sjónvarpinu! Vonda vonda sjónvarp!

Annars var hápunktur dagsins sá að ég prófaði í fyrsta sinn að panta ljósmyndir eftir stafrænu myndunum okkar. Ég valdi 35 myndir úr hrúgunni (sem telur meira en 1000 ef ekki 2000 myndir núna) og sendi inn á ofoto.com, sem er víst Kodak dæmi, og fékk 15 myndir ókeypis gegn því að skrá mig. Nú bíð ég bara spennt!!! 🙂

Mánudagur 28. janúar 2002

Dazed and confuzed

Æji – eitthvað er maður búinn að vera eftir þetta kvalabrölt… og föstudagskvöldið! Rétt svo náði að klára ein skítlétt heimadæmi (skemmtileg tilbreyting að geta gert þau á minna en tveimur tímum!) og síðan skriðum við út að borða með Augusto á Taj Mahal. Svo keyptum við upphengsli fyrir gardínurnar okkar í Walmart (sem við gleymdum að kaupa í Ikea) og Finnur (þessi hetja) tók fram borinn og setti þær upp!! Ég reyndi síðan að stytta faldinn… en var að því um klukkan 23:30 þannig að afraksturinn (náði bara að gera aðra gardínuna) var ekki alveg “beinn”… uhhh… Ég hef þá bara eitthvað að gera um helgina!! 🙂